Thema Mëllech
Wou kënnt d'Mëllech hier? Wéi mëscht d'Kou d'Mëllech? Wéi kënnt d'Mëllech an d'Fläsch? Wéi gëtt Kéis gemaach oder Botter?...
Méiglechen Oflaf vun der Visite
D'Kanner entdecken op spannend Art a Weis de Wee vun der Mëllech a gi mat Sträichen (nëmme bei enger Visite moies).
Si léieren eis Kaalwer, Ranner a Kéi kennen a léieren an engems eppes iwwert den aartgerechten Ëmgang mat de Kéi; si entdecken, datt d'Kou e virwëtzegt Déier ass a seng eege Kierpersprooch huet. D'Kanner kënnen d'Kéi heemelen, fidderen an observéieren.
Nodeems d'Kanner de Wee vun der Mëllech um Haff entdeckt hun, bidde mir eng Rei pädagogesch Aktivitéite ronderëm d'Produkt "Mëllech" un. Den Haaptakzent leeë mir heibäi op dat Praktëscht. D'Kanner sollen d'Méiglechkeet hunn d'Produkt Mëllech ze manipuléieren, z.Bsp. Botter oder Frëschkéis maachen, oder mam Produkt Mëllech ze experimentéieren.
Mir garantéieren e gudde Mix vu Wëssen, Manipuléieren an Experimentéieren, Spillen an Auszäit. D'Kanner sollen hire Besuch bei eis mat alle Sënner erliewen a genéissen: kucken, taaschten, richen, schmaachen.
Den Oflaf vun de Visiten ass natiirlech dem Alter vun de Kanner/Jugendlechen ugepasst. Sou ass et eis wichteg, dass virun allem C1 an C2 den Haff op eng spilleresch Art a Weis entdecke kënnen, ab dem C3 sinn d'Visiten da méi komplex opgebaut a mir kucken eis déi Eenzel Sujete méi am Detail un.
"Fro de Bauer Pierre" ass och e wichtegt Element während der ganzer Visite. D'Kanner/déi Jugendlech kënnen zu all Moment hir Froe stellen, a sou mat zu engem gelongenen Oflaf bäidroen.
Fir weider Informatiounen oder eng Offer ze kréien kënnt dir eng Ufro iwwert de Kontaktformular une eis schécken.
